ابداع

 

الإصدار الأول
رقم الاعتماد 243

جمهورية مصر العربية

ٍٍحٍبُ مصر

……………

حٍبُ

مصر حٍبوها

وجوه عيونكم حطوها

ومن عيون الأعادي حافظوا

عليها احموها

حٍبُ

مصر حٍبوها

عشان ولادكم صنوها

لجل مايجي علينا بكره

خلوها

سماء صافية بلون

قلوبكم جملوها

بعبيرها الدافئ املوها

خلو لون الوردي يظهر

فل وياسمين

عطروها

حٍبُ

مصر حٍبوها

وعينكم عليها حطوها

واوعوا حد من الاعادي

يوم يقرب ليشوة

الصورة

ولايمس شبر وحبه رمل

من ارضها الفيروز

اسطورة

خافوا عليها وصنوها

بالامل الجاي والمستقبل

نورها

وبالعلم خلوه راية لفوق

علوها وبيه ارفعوها

حٍبُ

مصر حٍبوها

بقلم عبد المنعم مرعي

رقم 2

قصة قصيدة لم تكتب بعد

…………………..

مازلتٍ

بمخيلتي القصيدة

التي لم تُكتب بعد سطورها

ومازلت عنك بداخلي أبحث

عن هذا الشعور الخفى الذي يتملكني

عندما آتي أخط هذا على أوراق دفاتري

فتنتابني حالة من الفوضى العارمة

نتيجة لتراكم مشاعري الجياشة التي تئن

بافتعال ثورات داخل عقلي

وفوراناًشديدَ اللهجة تبثة عبارات

اشتباك من حين لآخر وتداخل حوارات

وأنا بين كل هذا اقف عاجزاً أجوب هنا وهناك

في كل مكان ولم أجد إلي الآن لكي أي عنوان

لتكتمل قصيدتي

فقصتنا حتي الآن تُبث من قلب الحدث

لم يكن خروجها من القاع اكتمل مداه

ليخرج ينابيع تغزو البقاع

بقلم عبد المنعم مرعي

رقم 3

والله بغير

………………..

والله بغير عليكي كتير

وعقلي ياروح قلبي مابيبطلش فيكي أبدا تفكير

فمجرد ماتغيبي شوية يجن جنونة وفي ثانية

يروحلك رايح ياحبيبتي عليكي طائر

من غير مقدمات و مبرر وبدون تفكير

ويقوم منادي على قلبك

مخبط يفتحل له السكة المفروشة

أشواق أزهارها حرير

ولحظة ماابص في عنيكي القيها وخداني

عليكي وبيا سارحة في مداها

بصراحة حاجة تهوس

شكلها لون قلبك لابيض خرافي خطير

وباايدك بتشاوري عليه روح أمشي بسرعة

ماتقفش أحسن جايبلك اتنين ضباط

ومعاهم آمنا وكمان كام حد غفير

روح أمشي بس دلوقتي واشوفك بعدين

وأنا واقف طبعاً متحضر

وجسمي كأنة متخدر

طب أعمل إيه وأنا مش داري

بحالي المتلخبط

وركبي في بعضها لاتنين بتخبط

مش شيلاني على الأرض واقف متسمر

بترابيس زنازينك متشحطر

وقلبي من خوفة عليكي شوقة المبدور متبعطر

محبوس في سجن غرامك

وبهوي حبك ياحبيبتي قلبي ليك أسير

ياريتك يابنت الناس بحالتي تحسي

وتشوفي في حبك حصلي أية

وياريت تخليني هنا جنبك محض تفكير

أنا واقع من الاخر فيكي مجنون

ياقلبي بيكي ونفسي أعرف أعملك إيه

يرضيكي تقوليلي عليه

بقلم عبد المنعم مرعي

رق4

اعترافات قلب لايعرف الخصام

…………………………

بتخاصمني

وعليك أجري وفيك اصالح

وبرغم عمايلك فيه بسمع لكلامك ليه

من غير ماحتي أقاوح

وكل مرة بتيجي فيها على قلبي تكسر

عشان يقولوا عليك دا الواد فالح

بقابل كل ده بضحكة صافية من غير غرور

واستعلا علشان مش غاوية فضائح

ولولا إن بحبك وخائفة على حبنا لينجرح

ماكنتش عليك أجري وأقوم أسامح

وياريتك كنت لحبي بتفهم

دانت واخد حبي لك فرصة ورد مصالح

علشانك رفعت أيدي لفوق لرب السماء بدعيلك

روح ياشيخ إلهي ربنا لك يسامح

ومن خيرة وفضلة يوسع عليك ويفتح

لك من أبواب الخير زرق كمان وكمان

في كتير مطارح

ماهو إنته القلب النابض دائما ليه

وحبك بيجري جرى بدمي

عليه مشغلاك نبض شرايني مراوح

دا أنا لولا بحبك وبموت فيك ياحبيبي

كان زماني خلصت عليك وباايدي

ودمك في كل مكان على الأرض سايح

لكن عشان بحبك وروحي فيك

ماتعرفلهاش حد تاني غيرك بالدنيا ومابتشوفش

غير حبك قدامها هو اللي بروحها سارح

رغم إن قلبي مليان منك كتير وطافح

من كتر عمايلك السودة بعديلك في حاجات

لو حد تاني غيرك مكنتش عليه أصبر أبدأ

ولا كنت أخلي يبان لشكلة ملامح

بس أعمل إيه في قلبي

مع كل اللي بيحصلة منك بيردلك ويسامح

هات سمعتك واسمع بيها دق قلبي

هيقولك إيه وبايه سامع شوف كدة واسمع

هيقولك عني إيه أنته لوحدك اللي في قلبي حبه

وكمان بالحب قلبي نطق أسمك وراح عليك فاتح

ماهو أنا عطيته صلاحيات يحبك وله مانح

وبكل تفصيلة مرسومة جوة مني

محفور بتاريخ وملامح

مهما كانت تفاصيله صغيرة في المجمل

بس هي عندي كبيرة زيها زي الزرع

اللي بغيطانة طارح

حبيبي الساكن جوة بستان قلبي الوردي

خدودة لونها أحمر تفاح

وسمارة الخمري فاتح

مش قادر لحبك اكتر من كدة أخبي

مهما كنت شايف ومنه طافح

بحاول أبعد عنك و منك إدارة القاه ديما

باين جوه عنيه وليه فاضح

ممكن تتأكد بنفسك لما تشوف وتجيب سمعتك

وبيها تسمع قلبي عنك هيقول ايه

كنت أكيد تعذرني وعمرك ماهتبعد عني

ولا كنت في يوم ليه تخاصم

ولاكنت لقلبي تسيبه يشكي لناس

في يوم منك حالة

روح بسرعة إجري عليه صالحة

وبوسة بخدة قبل ماتسلم على أيدىة

استرضاة خليه يحن عليك

ومع بعض بالحب خليه يشوف حالة

بقلم عبد المنعم مرعي

رقم 5
إحساسك إيه
لما اجيلك واتقرب
وأنت بتبعد تتغرب
إحساسك إيه
لما أكون ليك بتقرب
وأنت بتبعد بستغرب
إحساسك إيه
أنا نفسي عليك اطمن
وحياتي عليك ماأنا مطمن
طول ماأنت بعيد
البال مشغول ومع حالي بقول
ماحدش عليه بيسأل ليه
إحساسك إيه
وانا ببقا معاك
البال رايق فرحان على طول
وأتمنى معاك أعيش عمري يا عمري
دا عمرين بس انت طاوعني
ومعايه خليك موجود
احساس صعب عليه إن أنا لما أقوم وأصحا
ملكاكش جنبي قريب
على طول بره يامش موجود
إحساسك إيه
لما من جواك تحس إنك موجوع
وقلبك الطيب ضايع مخلوع
وحاجات كتير ضدك وقفة لك في السكة
تقولك تمام كده ولحد هنا ممنوع
ومهما تصرخ وتزعق صوتك مش مسموع
إحساسك إيه
بصراحة
أنا مش قادر اوصفلك اد إيه
أنا كنت فيهم مخدوع
من الناس اللي كانوا غالين على قلبي
وفي ثانية باعوه
جردوة من كل شيء طيب
وبالآخر سابوة
طب ليه تنسوة مش كنتم تسألوا
في يوم عنه وليكم قربوة
مين اداكم الحق انكم تيجوا عليه
وفي ضهره تطعنوه
إحساسك إيه
لما تلاقي الكل واقف ضدك
وانته ياعيني في عنيك دمعك
وواقف مكسور وحدك
راح هتعمل ايه
إحساسك إيه
بقلم عبد المنعم مرعى

رقم 6
أمسح وأشطب
………………

أمسح وأشطب

من حياتك كل دول

اللي فكرينك هتعيش عشانهم

طول عمرك دلدول

اللي ضيعت علشانهم عمرك ومرعوش

طول عمرهم فيك الأصول

اللي كنت ديما تحب فيهم وعلى طول

تجري عليهم وكنت دائما تقول

فيهم دا كله الا هما دول

دا أنا معنديش غيرهم حبايب

مهما تشوف منهم آسية وتعيش

يومك مهموم

ومهما يزيد عليك أزاهم كنت بروضة

بترجع ليهم وتقول لنفسك

كله اللي دول

مهما عليك قست الليالي أوتطول

طب أمسح ….أمسح وأشطب

من حياتك كل دول

اللي في وسط الشدة سابك

واللي برخص التراب راح وباعك

وياريت على كدة وخلصت

دا كمان بيلعنوا فيك وفي اللي جابوك

اللي كل ماتقرب منهم يبعدوا هما يسبوك

ويارتهم من ظلمهم ليك فمرة يرحموك

دا عليك كانوا بيتسابقوا

ويامة عليك اتكاتروا من عزم الهم كسروك

لبرة حياتهم عايزين يطلعوك

أمسح وأشطب….. أمسح وأشطب

من حياتك كل دول

قوم هات أستيكة وإمحيهم

من حساباتك من غير ليهم ماتقول

ماهو مش ممكن ولامعقول

تكون في حبهم ميت

وأنت اللي باأيدهم كل يوم مقتول

أمسح وأشطب…..أمسح وأشطب

من حياتك كل دول

بقلم عبد المنعم مرعي

رقم 7
لوعجبك إظلميني
……………………
لوحابة تظلميني
وجايا بالأسوة تكيديني.
وبسلاحك تقتــــ.ــليني..
اعمليها ياحبيبتي ودمريني.
حتى في ظلمك هكون فرحان..
بس إستني معايا واصبري
بكره معايا هاتتهني،
ومن حبي اسقيكٍ وهتلقي كل ما تتمنى..
بس اياكٍ عن قلبي تهربي تعالي جنب مني قربي..
كفاية دموع لعيني وتعب يانور عيني..
بلاش تخلي افكاري تلعب بيا.. وأنت بغيري بتفكري..
أنا جوا قلبي فرشلك ورد…
راح تمشي عليه ..
هتشوفي نعيم وهنا ونسيم ..
إياكِ تسيبي في يوم ايدي وهوايا تدوسي عليه.
ماتغيبي ياشمس كفايا نورها ..
بنور زي البدر منور و شعاعها من النني بيظهر ..
واللي يشوفها راح يغمى عليه.
إنتٍ يا قاسيه وعمله حالك ناسية ..
خليكٍ بقلبي هنا راسيه..
ده حبيبك الشوق باين بعنيه.
بلاش نارك تحرق قلبي..
كوني النسمة وبسمة وفرحة. ضحكتك من القلب تكون طالعة
ده أنا بحبك.
ياعمري وكل سنيني…
وعايزك مني تحنيلي ..
وتنسي القسوة وقلبك يوم دق.
بوجودك جنبي يضحك قلبي في صدري والله بينشق..
تعالي مني قربي ووعاكي يا روح الروح تهربي..
وازاي أتحمل وأنت ياقلبي بعيدة مشغول بالي عليكي.
وأنا واحد ي من غيرك تايه شوفي اللي جرالي بعديكي.
بلاش تبقي زي الدنيا قاسية ومشوارها بالعذاب طويل..
وأنا طول الرحلة واقف وحدي
لا لاقيكِ جنبي ولا لاقي دليل..
يكون في وقت الصعب بديل
مين رفيقي بسكتي
يقف يقوي همتي
بدونك جنبي إزاي هعيش وأنت مش جمبي
لو حابه تظلميني إبعدي..
بقلم عبد المنعم مرعي

رقم 8
كــلــه …..سـلـف…… وديــن
……عــبــي …….
شــيــل وحــمـــل
إيــكــش تــقـدر تـكـمـل
عـلى عـذاب نـارهـا تـتـحـمـل
يــاابــو أخـــــره طين
كــلـه ســلــف وديـــن
يــاســارقـيـن قــوت الــغــلابــة
والـمــلايــيــن
قـــولـــي فـلآخــر هـــتـــروح
بــيــه لــفــيــن
وأنــت بــيـنـك وبـيـن قـــبـــرك
الـمسـافــة يـــدوب شـبــريــن
بــكــرة فــيـه تــدخـل ويـطـلـعـوك
حـبـه تـــراب بالـهـوا طــيــريــن
قـــــولــي مـيــــن ولا مــيـــن
قــبـلـك شــال وحـمـل و مــنـهـا
أخـــــد غـــيــر قـــــطــنــتــيــن
كــلــه بــيــطــلـــع ويـمـــشـي
مـــنــــفـــط الايــديـــــن
……عـــبـــي ……
شــيــل وحــمــل
وهــو كــلـه سـلـف وديـــن
فـــدنـــيــا فـــانــيــة مــلــهــاش
…….. أمـــــــان ……..
مــكــتــوب عــلـيـنـا فــيـهــا نــفــارق
أغـلــى الــحـبــايــب فـي ثــنـيـتـيــن
مـحـسوبــة بـالـعدد انـفـاسـنـا ومـعـروف
آخـــرنــا فـــيــن
……عــبـــي ……
شــيـل وحــمــل
وهــو كــلــه سـلـف وديــن
والــحــيــاة ســرقـتـنـا سـنـيـن
والـغـريــب عــرفـوا النـهـايـة
وبــردة بــيـهـا مــتــمســكــيــن
…..عــبـي …..
شـــيــل وحــمـــل
كــلــه ســلــف وديــن
إمـلا جــيـوبــك وهـــات
آخـــــرك
يحـرق شـيطـانـك وشيطان
أهــلــك
الــلي بالســكه الـغلـط خــدك
و فـتحلك
ومـشـيـت وراه لـمـا نـدهـلك
وسـلـمـت روحــك ليـه بـنـظـره
عـــيــن
كــنــت إسـتــعــذ بــالــلــه مــنـه
وإقــــرأ الــمــعـــوذتـــيـــن
……عــــبـــي …..
شـــيــل وحـــمــل
كــله ســلــف وديـــــن
الـسـعـادة مـش فــلـوس
الـــرضــا يــغـنـي الـنـفـوس
لـمـا تـدعـي الرحمن فــسجــده
وتـشــكــر الــلــه رب الـعـالـمـيـن
…….عــبــي……
شــيــل وحــمــل
وكــلـه سـلـف وديــن
يـالـي عـامـل فـيـهـا حــاوي
ولـلابـالسـة كـمـان مـخــاوي
قــولي عــلـي إيــة نـــاوي
لـمـا يسالوك فــلآخــر
الــمـلاكـيــن
يـاريـتـك تــرد وتـجـاوب
….بـالشـهـادتـيـن……
بـلاش وقـفـة الـمـزلـول خـايـف
……حــــزيــن…….
بـقـلم عـبـد الـمـنـعـم مـرعـي

رقم 9
بشوف صورتك
………………..
كل مابشوف صورتك قدامي
بلاقي روحي عليكي وخداني
من كل شيء حوليا بتشدني ليها
سحباني وأرجع تاني عشان اشوفك
كأني بشوفك لأول مرة مش تاني
والقيني راجع عشان أشوفك ثواني
يالي بلون عيونك انتي سحراني
قلبتي حياتي على بعضها وكياني
كل مابشوف صورتك قدامي
ألقي قلبي ليكي رايح مشدود
ياساحرة القلب من غير حدود
ونار حيرته كاوية قلبي
الله على الخدود ورد مفتح رباني
ولا الشفايف بحر عسل مكرر كريز
بشرب منه وأقول تاني
لوجيت فمرة عشان انساكي
بلاقي روحي معاكي
نسياني وأنا لسه هنا واقف مكاني
وازاي انساكي وإنتي الروح
حبيبة القلب من جوة ورح الروح
بتصرخ أه مني وحشاني
ياريتك حبيبتي تكوني بلهيب
الشوق حساني سمعاني شيفاني
وأنا هنا وحدي غريب الوحدة
في غربتي بعاني
ياريت شوقي يوصلك يقولك
أدى إية أنا من غيرك في العذاب
بتالم وحياتي ودنيتي بيعاني
يابسمه لوجه روح بريئه ياضحكة
هالة من عيون راقيه ورقيقة
تشوف في جمالة نورالصبح
ومن وراة الحقيقة
قمر في ليلة إكتمال البدر والعيد
أقول انتي القمر وانتي هنا له عيدة
ولو شفت الزهر فرحان بريحة العبير
أقول إنتي الجمال كلة وأجمل
عيون عبيرة
بقلم عبد المنعم مرعي

رقم 10
الخصام …..والهجر.
انتِ حبيبتي وانتِ نجومي
في السما الساطعة
وانتٍ الشمس الجـايه وراجعـة
وانتٍ عشق الدنيا بحالها
وانتِ الحب ف ليلي السارح
المبدور ف اركاني وطارح
فاتح قلبي وبيكي طاير
تقوليش طير ومعاك جامح
ليه ياحبيبتي –ليه
لية بتقولي تعالا نفارق
عايزانا يعني نتوه عن بعض
ف وسط مفارق
ليه حبنا عندك مش فارق
عايزة قلوبنا لبعض تفارق
كل دا عندك ليه مش فارق
ليه ياحبيبتي لبعض نفارك
بعد ما سيبت الدنيا عشانك
واستحملت ظلمك وهوانك
وبقول كلو يهون علشانك
و لأنك حبيبتي
ماسبكيش …ايوا ماسبكيش
ولافكرت في مرة اسيبك
ولاهنتي ف مرة ابيعك
وانتي كتير ف ثواني تبيعي.
كل ماتيجيلك فرصة بإيديك
عايزة تروحي و مني تضيعي
صعب عليا
صعب اوي كل دا يحصل
بيني بينك
ومابقتش عارف ايه
يرضيكي
قولي بسرعة الله يهديكِ
ردي عليه يالا. وجاوبي
نار الهجر في قلبي تكوي
يعني راضيكي عذابي
و حيرتي
وانا منك قاعد أبكي
بترجاكِ اوعاكِ تمشي
طب قوليلي وريحي قلبي
نفسي عليكِ اطمن
على فين رايحه
وهنا سيباني
بعد ما اخدتي الفرحة معاكي
وبيها رايحه عني بعيد ..
وخداها وسارحة
وسبتيني ليلاتي حزين
عمال اهري في نفسي وعاتب
على بُعدك مش قادر
يالي بعذاب بعدك كوياني
قوليلي على فين
على فين رايحه وسيباني
ومني بتبعدي لبعيد
ليه عايزاني بدونك أكمل
مع واحدة غيرك وتقولي أتحمل
انا غيرك يا حبيبيتي ماليش
ولو عايزاني ف بُعدك اعاني
نار الوحدة والاشواق
هاصبر بردوا لجل ماحبنا يعيش
بس أمانة تحلفي قلبك
لو هو على بعادي و بعذابي راضي
هوني عليه وعليه ماتقسيش
ماهو اصل قلبك مابيعرفش
يحب
طول عمره نساي
بينسى دايما كل الناس اللي ليه
بتحب
ماهو قلبك قلب أناني
واخد دايما ع التجديد
بيبيع بسهولة اللي يحبه
بضمير
ماهو قلبك أصلوا فولازي
صلب وقوي ..
وأقوي من الحديد
وأجمد من الصخر
برغم قسوته وجبروته
برجع له تاني من غير مواعيد
لأني بحبك ياحياتي بصدق
وبكل ضمير
ورغم حبك عيشني ليلاتي
كما المجنون
خلاني بنام صاحي
أكلم نفسي
لما بقيت عامل زي التايه
من غيرك ماليش وجود
لأنك حبيبتي وكل حياتي
علمني حبك ازاي اكون انسان جديد
في الحياة بيعيش
رغم الأسى.
عشقت كل الكون عشانك
وراضي بظلمك وهوانك
ولو فكرت مرة أبعد
بلقاني راجعلك تاني وسعيد
فاتح لك درعاتي
كأني معاكي بتولد من جديد
لأنك حبيبتي
بقلم عبد المنعم مرعي

رقم 11
تصدق بالله
……………
إنك كداب
وإن جيت مرة
تخبط على باب قلبي
ماني فتحالك ابدأ
شباك ولا باب
أصلك معروف إنك كداب
وياما حلفت وصدقتك
وبلاوع نفسي واكدبها
وباايدي بفتحلك
باب
وبقول ياخسارة
مش ذنبي
إن حبيبي يطلع
كداب
وبرغم دا كله أجي
على نفسي واكدبها
وباإيدي بجري أفتحلة
الباب
ماهو قلبي عملة
حساب
لو غاب حبه
الاقيه عليه يسألني
ويقول راح فين
عني وغاب
واخرها بتطلع واطي
ياشيخ روح منك لله
والله خسارة فيك
أي عتاب
تعالى وشوف ياحبيب
قلبي
دا أنا بنفسي عملتلك
كشف حساب
تطلع تنزل مش هديلك
كلمة حلوة تبل الريق
دا رصيدك عندي خلاص
خلصته والطعم
الحلو خلاص أهو داب
بقلم عبد المنعم مرعي

رقم 12

قتيل حلم

وعليكِ هنت تقتليني
وأنا ابن أرضك وطينك
وياما شربت ورواني
نيلك
وسقتيني
وأنتِ ليه سنيتي سكينك
وف ضهري بتطعني
وعليكِ هنت تقتلني
وأنا اللي شايلك بعيني
واسمك محفور جوا قلبي
لجل ماتعلي وتعليني

وأنا اللي بعمري شاريكي
بعتيني واشتريتي غيري
وعليكِ هنت تقتليني

يقاتلون الأحلام الحلم
جوايا كان لساه بيتخلق
جنيتوا عليه دمرتوا
وهو لساته بيتولد
ذنبي ايه يجي غيري
ياخد حلم اتولد
عشان معاه المال والجاه
وأنا بأيديهم انجلد
اااه ياحلم سهرت
أنا بيه وعمر مني انسلب
عشان غيري ياخد مكاني
وروحي مني تنسلب
ياخسارة ياعمري
يالي روحت بلاش
عشان أبن الباشا والبيه
أنا أضيع فى الرجلين
وعمري يروح بلاش
بقلم عبد المنعم مرعي

رقم 13
أنا الحب
اللي زي الماس
أنا القلب اللي كله إحساس
عايش بقلبي بين كل الناس
ولابعرف في يوم أكره الطيبة طبعي ومن أصلي
وراس مالي ودا الأساس كلي معروف عند الناس
القريبين مني والبعاد
إني عمري ماجيت في يوم علي حد
ولامرة شوفت الغلط و قلت أنا مالي
ولاعمري جيت بيوم فرقت
بين سبت وحد آبات مظلوم وياى حالي
وأقول لنفسي دا من بختي
مابظلمشِ حد ويا بختي
عند ربنا.
ولااحبش أكون للناس
في يوم ظالم..
على ربنا سايبها و..متوكل
ومفوض امري له هو …
وعايش عليه متوكل..
ده عالم بحالي وكل أمري
وباللي في قلبي من جوا ..
هو لطريقي قوة.
عارفني وكلو بأمره ..
مُطلع على سري وعلى جهري.
وعارف إني عمري مافرقت
بين واحد قلبه طيب
ولاواحد تاني قلبه بالخسة دساس..
جاي يبث سموم الغيبة بين الناس
أنا واحد بيحب الناس
والإخلاص طبعي ودا الأساس
بقلم عبد المنعم مرعي

رقم 14
صدقتني
لما قولت عليك خاين
و ملكش أمان
من قلبي هطردك بره
لو إيه كان
ماهي مش محتاجة
أبدا إني أشوف
دليل على خيانتك
واقف أتفرج وأنا ليه أتهان
وأنا معايا بُرهان
وكمان برهان
إنك خاين من زمان
مش من دلوقتي
إنك خاين وبتاع نسوان
أنا ياما زمان
صدقتك شوف اللي حصلي
وجرى وكان اللي كان
الدنيا كلها علينا بتتفرج
و كل وقت وله أذان
افرحوا يا عوازل هللوا
وتعالوا طبلوا وغنوا كمان
واللي ماسمعش يسمع
وأنا بتزل معاك واتهان
وعلى خيبه قلبي وحسرتي
مع اللي باع عشيرتي
طلع رخيص الخاين
وملوش أمان
بقلم عبد المنعم مرعي

رقم 15
الصحاب
…………..
صحاب
عٍيرة وشهم مكشوف
عن العيب والغلط مابيبعدوش
مافيش عن عندهم دم ولاختشوش
مايفلحوش يابني غير في أزيتك
لما يزقوك في الغلط على ماتعرفوش
وإن جيت فمرة بيه تستنجد تلاقية
مشي وسابك لوحدك فرفوش
أصحاب عرة مايستهلوش
خسارة إنك في مرة تصاحب
يابني حد فيهم عشان
وقت الجد اللي بصحيح
مابتلقاهوش
فااسمع نصيحتي ياابني
وابعد عن كل الأشكال الضالة
اللي صحبتهم تقل منك عاملين
حبايبك وهما مابيحسوش
في أذيتك يجروا مايتوصوش
فين زمان زمن الصحبية
اللي بصحيح
زي الوتد واقف معاك يسندك
في ضهرك علي طول
اكتر من أخوك
اللي خلفتة أمك وأبوك
ماعدش صاحب يتصاحب
ولاعدش زمنه
كله بتاع مصلحته والمصالح
مع بعضها تتصاحب
وكلة بالفلوس معروف تمنه
بقلم عبد المنعم مرعي

رقم 16
أمي
مش قادر اوصفلك مشاعري…
لما ببقي بليلة جايلك .
بحس إن روحي رايحة عليكِ سبقاني، تشتاق إليكِ ولأمي وخداني.
تبوس خدك الوردي
تلمس حنان ايديكِ
وحيات حبك في قلبي..
بروحي أنا افديكِ
و بعطف قلبك الكبير
بتضمني في حضنك ..
يادنيا كلها حنان حاسس فيها بأمان والجنة في نور عنيكِ
وانا جنبك و بين ايديكِ
جوايا حاجات مابوصفهاش..
في حضنك فرحتي بتتعاش
نفسي ياما اقولها للوجود كلو ..بحبك يامااااا بأعلى الصوت.
وتعمل من الصدى زلزال ..
يهز جبال ..
وعندك تحت أقدامك أبوسها وأقبل خطوتك في الحال ..
وكل الناس بتسمعني..
ياست الناس وملكة على الوجود والناس وده بقلبي .
وعارفك إنتِ سمعاني
و جواكِ مليون احساس بيبنيني
..ياشده وسنده بنياني..
ومن غيرك يحس بقلبتي وزعلي. ودايما ياأما حساني.
وفي ألمك صبوره من يومك ..
وعارفك ما اشتكيتي لحد ،قوية بجد وراميه الحمل على الخالق..
منا عارف ..
عشاني بتمنحيني الصبر ..
لجل ما اتحمل وأنا مكمل ..
بمسح من الألم وجعك..
ولا بنسى تفاصيلك .
لحد ماابتديت مشوار مع الدنيا بتوجيهك ..
ولا مليتي من الخطوة ورا الخطوة …بقوة توجهيني للنجاح وتمرري العثرة ..
ياشايلا البيت على اكتافك وأحمالنا..
ليلاتي بتسهري والفجر تدعيلنا.. وتنشغلي بهمومنا مشاكلنا..
ولكل امورنا من خيرك ياست الكل وقمر دارنا ..
وشيلانا شيل …
وهم البيت يهد الحيل ..
ولاغيا من الأنا دورك ..واحنا كل تفكيرك ..
لو العمر يتوهب انا أوهبلك حياتي ونفسي واتمنى ..
يطول عمرك ياأجمل حضن ياياما..
واهديلك ربيع العمر.
جزاء الصبر .. ياأمي .
ياهدية من الرحمن
ياإسم أمان ….وجنة بجد بالدنيا ..
تعيشي وتسلمي وتبقي ..
هنا جنبي وافضل مهما غزاني الشيب بأحضانك.
يادعوة من الحبيب المصطفى ووصاية من المولى .
ياكلمة وحرف ف كتابنا بحق الله بنحفظها..
وياربِ
احفظها بأمانك وقدرتك عوضها واجبرها ..
واحميها من أذى الأمراض واشفيها …
ده لو لاقي بجد حروف توصف قلبي الملهوف لو غبتِ يومين من البيت ..
بكون تايه ومش فرحان ياست البيت ..
بلاقي قلبي ياأمي بقى خواف ..عليكِ يخاف …
كفيف ملهوف ولما تعودي عدت أشوف ..
لأنك عيني وحياتك ونور البيت .
ياصندوق سر فيه عمري وأفكاري وأسراري..
مافتحت بيوم عيني ع الدنيا لقيتك انتِ ياأمي شيلاني ومحوطاني ..
ياسكنه القلب ياست الكل ..
يا أمي …
بقلم ابنك البار المخلص لك …. عبد المنعم مرعي

رقم 17
سأرحل
مثل أي شيء
جميل بداخلنا يرحل
دون استذان
سأرحل عنكِ
ولتعلمي وليعلم العالم من حولنا
أن رحيلي هذا خارج عن ارادتي
رغم كل هذا العناء
الذي لقيناه سويا من جفاء
ساترك كل أشيائي الجميلة
من ذكريات .
ماضينا الذي فات ،
ومعه عمرنا الذي قد مر
وليس بآت.
سأرحل
ولكي الحق كل الحق
في الاختيار.
وهذا لم يكن سهلاً
في يوم من الايام علينا
وهنا سيبقي ماتبقي
مني.
فسامحيني عذراً لولم أكن وفيا لهذا الحب الذي غادر القلوب منذ سنوات .
إنه غادرها لأبعد المسافات
وكأنه سافر ورحل
أو قد مات….
بقلم عبد المنعم مرعي

رقم 18
إني أحبك
…………….
تعالي سويا
نكتب قصة حب وردية
قصة عشق وهيام من نوع آخر
كلأشياء الفولازية
نخط سطورها بحروف خرافية
فصولها سرمدية
غير الذي عنه يتحدثون
فلا تقولي إننا اصدقاء
بل قولي
إني أحبك أعشقك
كما لم يحبك احدا من قبلي
فاانت لي كل الفصول الأربعة
فاأنت شتائي
الذي كنت أنتظرة كل مساء
لتمطرني بكلمات الحب عشقا
لوعتا دون خجلٍ وحياء
فايروح القلب
أحبك حباً ينمو نماء
وتنبت جذوره
طليقة مفعمة بالهواء
ليشع نورها في الارجاء
فأنت صيفي الحار
كالهب جاء
دون عناء بحرارة الاحتواء
ليخلق حالة عشق وإنتماء
أنت خريفي ياخريف العمر
الذي يمر باسط كفية
بحالة لااعرفها من قبل
كحالة أتيه
من روح وكبد السماء
فهيى يا ربيعي ياربيع العمر
وريعان الشباب
طل علينا برحيقك كالورد
في بستان الجمال
وأطلق ريحانك في كل الارجاء
وأنبت زهور الورد بأرضك
بعد أن كانت خاوية جرداء
بقلم عبد المنعم مرعي

رقم 19
ابتسميلي
خلي شمس نهارنا تطلع
واحنا في موال حكايتنا
مع بعض بنحكي
وبنعيد
ابتسميلي
خلي قمرنا بنورك يسطع
في ليل هوانا زي ليلة
عيد
ابتسميلي
لمي النجوم كلها حواليكٍ
خليها هنا تجمع
علي غير أون وبدون
مواعيد
ابتسميلي
ووعاكي في يوم
تخلي عيونك الحلوه
فمره تدمع
عشان دموعك ع قلبي
غاليين
ولجل خاطري سبيني
بقرب قلبك
بوجودي جنبك بحس
إني سعيد
دا إنتٍ ماتعرفيش
دموعك غاليه عندي ازاي
يالي في هواكٍ عاشق
نار حبك كل ليلة
بقلبي تقيد
ابتسميلي
وابتسمي خلي الفرح
يعرف طريقنا ويجي
يخبط علي باببنا
بيه الحب
يزيد
ابتسميلي
بقلم عبد المنعم مرعي

رقم 20
هما دول ولادك يامصر
……………………….
هما دول ولادك يامصر اللي طلبوا الشهادة
بإيمان وعقيدة ثابتة شهادة
لجل ماينصوا عرضك بالافرول والبيادة
هما دول ولادك يامصر
اللي منك ولدينهم مخلصين
حلفين بااسمك على القرآن وعلى الإنجيل
ليشقوا الصعب يحطموا المستحيل
يبنوا جيش وطني قوي يحمي البلد
والوطن من الاوغاد المتسللين
هما دول ولادك يامصر
اللي حفروا الصخر عدوا ومدوا بكل فخر
لينا اواصل علي طول تواصل بقلب جسور
هما دول ولادك يامصر
اللي احطموا خط بارليف الحصين
لاهمهم موت ولاخافوا الي هود
ولاسالوا هما مين
إحنا احفاد الفراعنة محسن محمد وحسين
مينا وبطرس عزيز رسمين
رسمنا علي القلب وجه الوطن نهر ونخلتين
ونسر طاير في السماء وعليه سفين
شعار في قلوبنا فخر وعزة وكرامة ليوم الدين
هما دول ولادك يامصر
اللي حطموا باإيدهم أسطورة العدو اللعين
إللي اسمه خط بارليف الحصين
هما دول ولادك يامصر
اللي صوت نداهم زلزل الأركان
وكان صوتهم باالله أكبر كأنها بركان
دحرو العدوا كسروه كأنه مكان
سماء وبر وبحر الضرب عليهم من كل مكان
وجنودنا البواسل بقيادة حكيمة
النصر كان لينا في 6 ساعات
الله أكبر الله أكبر الله أكبر عملت المعجزات
يامصر يابلدي رفعنا راسك وبان
أن جيشك وقت الصعب يقف
في ضهرك وقت المحن مش جيش جبان
إنا جنودك المخلصين
حصنك المنيع في كل وقت وأذان
هما دول ولادك يابلدي
هما دول اللي عبروا القناة
واتمنوا الشهادة لأنها في العقيدة حياة
الله اكبر واتحقق النصر
على أرضك وباإيد ولادك الأبطال
بيها رفعوا إسمك وعلمك بكل عزة وفخر
نصر أكتوبر نصر عظيم شرف كبير للمصريين
بقلمي عبد المنعم مرعي